Shkencëtarët

dekodojnë gjenin e rrushit të verës

Kërkesa potenciale e paçmuar e të kuptuarit në prodhimin e verës është objektivi i ri i shkencëtarëve që sekuencuan gjenin e rrushit Tannat me vlerë të lartë, nga e cila fermentohen “verërat më të shëndetshme të kuqe”.

Shkencëtarët kanë sekuencuar gjenin e rrushit me vlerë të lartë në mënyrë që të demistifikojnë proceset kimike që krijojnë aromën e verës.

Profesori i kimisë uruguajiane Francisco Carrau dhe shkencëtari Massimo Delledonne nga Italia sekuencuan rrushin Tannat, i cili falë pjesëve të shumta të farave, prodhon koncentrimin më të madh të taninave - një antioksidant që lufton plakjen e qelizave.

Verërat e bëra nga Tannat njihen si verërat më të shëndetshme të kuqe për shkak të nivelit të lartë të procianidinave, që thuhet se janë të mira për reduktimin e presionit të gjakut, uljen e kolesterolit dhe nxitjen e koagulimit të shëndetshëm të gjakut.

“Një verë e bërë me Tannat ka dy herë më shumë tanina se Cabernet Sauvignon, Merlot ose Pinot Noir. Sekuenca e gjenit të rrushit do të lejojë vreshtarët të mbrojnë një vend të vlefshëm në industrinë e verës prej 300 miliardë dollarësh në botë”, tha Carrau.

Hulumtuesit janë duke analizuar sekretet e natyrës me interes potencialisht të madh tregtar: si kushtet e tokës, mineralet, dielli, temperatura, klima, lartësia dhe faktorët e tjerë të mjedisit ndikojnë në pasqyrimin e gjeneve në rrush dhe në kiminë e aromave dhe ngjyrës së verës.

“Në qoftë se ne mund të përcaktojmë nëpërmjet bioteknologjisë faktorët që përcaktojnë aromën dhe ngjyrën e verës, ne mund ta përdorim këtë informacion për të krijuar produkte më të këndshme dhe më të vlefshme”, tha Carrau.

“Një informacion i tillë gjithashtu mund të përcaktojë vendimet se ku të mbjellin rrushi të ri, të cilat zakonisht prodhojnë frytet e tyre të para pas pesë vjetësh dhe frutat e tyre më të mira në rreth një dekadë. Të kesh aftësinë për të parashikuar lokacionin e suksesshëm të vreshtit ka vlerë të madhe”, tha Carrau.

Tannat është “rrushi kombëtar” i Uruguait, prodhuesi i 4-të i verës më i madh në Amerikën e Jugut me 8.500 hektarë vreshta, thanë hulumtuesit. Më shumë se një e treta e rrushit të rritur është Tannat, nga e cila prodhohen verërat kombëtare.

“Zbulimi në më shumë detaje i komponentëve në promovimin e shëndetit në rrushin Tannat kërkon që ne të vazhdojmë punën në gjenin e saj. Unë dyshoj se në të ardhmen, një informacion i tillë do të ndihmojë shumëllojshmërinë të bëhet shumë më i njohur në mbarë botën”, tha Carrau.